Asoc. de veciños San Vicente e Canedo

O regato da Venda

2011-11-14T18:30:00.003+01:00

Vemos publicado no Faro de Vigo de onte o custe deste proxecto, que tanto se leva dilatado no tempo. O que nós como cidadáns esperábamos era outra nova: a do comezo das obras dunha vez, e a do compromiso verdadeiro dos nosos gobernantes, de calquera administración, de solucionar este grave problema. Ese diñeiro non habería que gastalo se se fixeran as cousas ben dende hai moito tempo.
Non nos gusta esta noticia. Lemos entre liñas, e non nos gusta.
Só esperamos responsabilidade e eficiencia. Non nos fagan sentir vergoña allea, por favor.

V XORNADAS MICOLÓXICAS

2011-11-14T18:14:00.001+01:00

O tempo non axudou, pero a vontade e a ilusión superan todos os obstáculos. Atopáronse cogomelos, en contra dos pronósticos, e os/as que nos acercamos pola exposición puidemos aprender algo máis. Gracias aos "incombustibles" de sempre, que dedican o seu tempo e o seu esforzo para seguir facendo estas actividades.

PREPÁRATE PARA RECOLLER COGOMELOS

2011-11-06T22:41:00.005+01:00

O próximo día 12, sábado, ás 16 h, xuntarémonos para ir coller cogomelos. O domingo, día 13, teremos a exposición. De momento aquí quedan unhas páxinas para informarnos, aprender máis e recoñecelos mellor:

SETAS DE GALICIA

FUNGIPEDIA

LAS SETAS Y LOS HONGOS

MÁIS DO MESMO

2011-09-26T19:04:00.010+02:00

Lembremos o compromiso do Concello para comezar as obras do noso local social. Parece ser que comezarán en breve.

TEREMOS LOCAL?

2011-05-18T21:22:00.002+02:00

Na tarde de hoxe asinaban Calis e máis o alcalde de Ponteareas un acordo polo que se executará a primeira fase da construción do noso local social. A execución da obra sería durante este ano 2011. Damos un pasiño máis nesta vella reivindicación. Esperemos que sexa visible pronto.

PICARAÑA 2011

2011-05-05T01:00:00.002+02:00

A REVOLUCIÓN Ó COMPLETO

2011-03-19T21:34:00.003+01:00

Xa temos as fotos de "Perico" ( gracias Juan unha vez máis). Para descargalas accede ao album AQUÍ.

A QUEN LLE GUSTE CAMIÑAR...

2011-03-17T01:08:00.003+01:00

Da fraternidade Tau achégannos unha invitación:

"Amigos:
Las catequesis de la Provincia Franciscana de Santiago organizan un día de senderismo como ya se viene haciendo desde hace algunos años. El pasado año un buen numero de vecinos asististeis, de modo que podemos repetir experiencia. Iremos en autobus hasta Cerdedo el próximo sábado 26 de marzo. Podeis apuntaros en el convento (Fray Bernardez). "

Gracias por contar connosco.

ENTROIDO 2011

2011-03-13T22:14:00.004+01:00

Xa temos as primeiras fotos que nos achegan Ana e Álvaro. Iremos incorporando máis e completando pouco a pouco a nosa páxina do Entroido.
De momento aínda estamos saboreando ese 1º premio, ben gañado a pulso por un gran equipo no que todos/as e cada un puxo a súa aportación: organizar, coser, montar a carroza, preparar o equipo de son, facer orellas e dulces, buscar música, cantar, bailar, animar, comprar materiais... entre risas e debates, todo para pasar un entroido como está mandado. Parabéns COMPARSEIROS E COMPARSEIRAS.

LIMPEZA DO RÍO TEA

2011-01-28T23:39:00.011+01:00

Esta Asociación forma parte da Plataforma Defendendo o Tea.
Algúns dos veciños e veciñas participaron xa en dúas xornadas de limpeza do río.
Da última dispoñemos de imaxes que nos envía Amador:

Di Amador: Catro homes fortes de Canedo, e como costou sacar aquelas rodas do río!
Pero tamén estaba Felisa para dar ánimos ( ou dar a lata, según se vexa )
E seica houbo alguén que aproveitou para localizar algún Boletus Pinnicola...

Tiña que ser...

2010-11-18T23:53:00.003+01:00

Tiña que ser... ó final, despois de case ano e medio, os veciños imputados nos feitos da rotonda saen libres de cargos. O noso presidente fixo estas declaración para "Vía Televisión".

NOVO PARQUE,LEMBRANZA DE LUIS

2010-10-23T23:01:00.010+02:00

Despois de varias semanas de traballo veciñal na explanada, inauguramos o novo parque cun homenaxe ao noso falecido presidente, Luis Pardo, con plantación de árbores e colocación dunha placa conmemorativa.

A directiva desta asociación agradece a todos e todas os que dalgunha maneira colaboraron e asistiron a este acto.

E para nostálxicos e amantes da poesía, escoitemos a Serrat con este vello poema. En lembranza de Luis.

NOITE DE SAN XOÁN

2010-07-02T00:35:00.010+02:00

O 23 de xuño reunímonos para celebrar a "noite meiga", o comezo do verán.
Grazas aos organizadores, que tiveron que apañar a leña, trasladala e colocala... pero que feitiña quedou! Ata se adiviñan máxicas figuras...

José recitou o conxuro da queimada, Calis e Cándido remexeron moi ben, e resultou boísima.

Infórmate sobre esta tradición.

PICARAÑA 2010

2010-04-18T23:12:00.006+02:00

O día 1 de maio os veciños e veciñas que desexen subir á Picaraña reunirémonos coma sempre na poza de Canedo, para subir xuntos a pé, como manda a tradición. Esperaremos pola xente que veña de Ponteareas, que teñen a saída ás 10,30 h. Como novidade este ano haberá actividades no monte durante o día, pois varias asociacións deste concello puxeron empeño en dar un pulo a esta romaría que nos últimos anos estaba decaendo.

1º Premio no concurso de comparsas

2010-02-18T00:11:00.038+01:00

Un ano máis, para non perder o costume, participamos no concurso de comparsas que organizou o concello de Ponteareas, acadando o "1º premio". As primeiras fotos xa están dispoñibles na nosa páxina do entroido.

Clic na imaxe para reproducir o video.

Reunión coa Confederación Hidrográfica

2010-01-25T18:30:00.001+01:00

O pasado martes 19 de xaneiro a Asociación de veciños mantivo unha reunión en Ourense co Presidente da Confederación Hidrográfica Miño-Sil para coñecer os detalles das melloras, que se van levar a cabo, do regato "Da Venda". Mais información aquí.

PARA NON ESQUECER

2010-01-02T01:19:00.001+01:00

MEMORANDUM 2009
O ano 2009 para a Asociación de veciños de San Vicente e Canedo será difícil de esquecer. Queremos facer unha lembranza especial das cousas que nos aconteceron só por querer o mellor para os nosos barrios e querer participar como cidadáns nas decisións da administración que nos representa:
 O noso alcalde nen sequera nos fixo caso nin se posicionou do noso lado nas nosas xustas peticións ao ministerio de Fomento. Non se presentou nin respondeu ás chamadas cando recibimos unha malleira.
 O PSOE de Ponteareas non soubo estar á altura dos seus representados nin tivo o valor de loitar connosco por algo xusto, mesmo poñéndose en contra das nosas reivindicacións.
 O Sr. Faustino Rubio amosou prepotencia de funcionario e pouco respeto pola legalidade, negando a existencia dun regato que pertence á Rede natura 2000.
 O subdelegado do Goberno en Pontevedra tratounos de modo discriminatorio e vexatorio, coma se fosemos delincuentes, protexendo aos que actuaban ilegalmente.
 Os GRS agrediron brutalmente a persoas indefensas, que en ningún momento responderon á agresión e acabaron acusadas de lles romper o material antidisturbios.
 A garda civil de Ponteareas sorprendeunos co su talante colaborador para despois impoñernos sancións de tráfico ás agachadas, con premeditación e alevosía.
Só temos que agradecer aos cidadáns que se puxeron connosco do lado da verdade , xente de todas as ideas e de todas as idades, que , libres de interés persoal, se acercaron a prestar axuda.
É lamentable ter que chegar a estas situacións pola incompetencia das administracións, que fan oídos xordos aos escritos e ás peticións formais de atención.
E máis lamentable aínda ver como agora, despois de rematadas as obras da rotonda se fai palpable que os veciños tiñamos razón.
Pero os responsables aínda non asumiron a súa culpabilidade, e nós estamos pendentes de solucións dignas para a entrada aos nosos barrios.

ESTADO LAMENTABLE DA ENTRADA AOS NOSOS BARRIOS

2010-01-02T00:58:00.001+01:00

Xornadas micolóxicas

2009-11-24T22:11:00.002+01:00

Os pasados 21 e 22 de novembro esta Asociación organizou unhas xornadas micolóxicas, con saída ao monte e posterior exposición. A pesares do mal tempo a recollida tivo bastante éxito. Este é o terceiro ano que se organiza, grazas ao noso especialista Fructuoso e á colaboración de Anxo, de Adenco.

Ata tivemos a sorte de ver o nacemento dunhas crías de babosa...

A rotonda está rematada, pero...

2009-11-24T21:29:00.000+01:00

Os veciños e veciñas de Canedo e San Vicente cuestionanse de novo a calidade do proxecto da rotonda da N 120 que da acceso aos seus barrios, tantas veces reclamado e tantas veces denegado e supostamente realizado por enxeñeiros cualificados. Nos últimos días, coa pouca chuvia aínda caída, fúndense as terras, aparecen socavóns, as augas circulan por onde non deberían, houbo que abrir as portas instaladas no antigo paso peatonal…etc. Observáronse operarios reparando e ó día seguinte a situación volveu á mesma.
Confirmase que a natureza é sabia e que as sospeitas da veciñanza estaban ben fundamentadas: una obra mal deseñada, mal executada e sobre todo sen ter en conta os intereses das persoas que a teñen que utilizar a diario.

Mas Fotos.

2009-06-24T12:30:00.001+02:00

Carga Policial Parte 2

2009-06-18T01:55:00.000+02:00

Video Carga Policial Parte 1

2009-06-18T01:15:00.000+02:00

A paralización da obra pacifica tal e como se mostra na imaxe rematou de forma un pouco mas violenta coa intervención dos antidisturbios.

Album de fotos

2009-06-18T01:10:00.000+02:00

Paralización pacifica da obra que non respeta a legalidade en relación ao "regato da Venda", tan maltratado dende sempre ao longo do seu curso...

...e actuación violenta das forzas da Guardia Civil.