Estivemos na I Feira das Casas Culturais, organizada polo Concello de Ponteareas, pasando unhas xornadas nas que se puxo en valor e se deu a coñecer parte da actividade cultural e artística que se realiza nas distintas parroquias e casas Culturais. Unha oportunidade para convivir, aprender, compartir e gozar tamén das actuacións musicais.
10 dic 2015
10 nov 2015
XORNADAS MICOLÓXICAS 2015
Por noveno ano consecuctivo realizamos as Xornadas Micolóxicas, e sabemos cada vez máis de cogomelos. Grazas aos organizadores e aos asistentes, en especial a Fructuoso por enseñarnos e por prepararnos unha deliciosa degustación.
17 ago 2015
PRÓXIMOS CURSOS
Comezaremos no mes de setembro o curso de Corte e confección, con subvención do Concello de Ponteareas.
Tamén te podes inscribir, para comezar en outubro, aos cursos de Pandeireta e canto popular ou Elaboración de conservas artesanais, ambos con subvención da Deputación de Pontevedra.
Ademais retomaremos en setembro a actividade de pilates.
8 ago 2015
CELEBRACIÓN DO SAN XOÁN 2015
Como de costume reunímonos xa pola tarde para xogar á chave e a rá, mentres preparamos todo para a cea que compartimos nesa noite meiga. Este ano non puidemos facer fogueira, pero ardeu a queimada, como sempre ao tempo que recitamos o conxuro.
Este ano contamos coas pandereteiras "Pedra da Garza" de Fozara, que animaron e encheron de ritmo a nosa xuntanza.
Aquí temos unha mostra do ben que o pasamos:
Como novidade, este ano fixemos a saída para recoller as Herbas de San Xoán, poñelas a remollo toda a noite, para lavar a cara coa auga pola mañá.
Demos comezo a un álbum que iremos completando en anos sucesivos, co que aprendemos dos nosos maiores e o que vaiamos aportando entre tod@s.
Pinchar na imaxe para ver:
13 jun 2015
Suscribirse a:
Entradas (Atom)